247 — Gizlilik siyasəti

Versiya 1.4 · Qüvvəyə minmə tarixi: 22 oktyabr 2026 · Əvvəlki versiya: 1.3 (29 sentyabr 2026)

Bu sənəd 247 mobil tətbiqindən və 247app.com saytından istifadə edərkən fərdi məlumatlarınızı necə topladığımızı, nə üçün istifadə etdiyimizi, kimlə paylaşdığımızı, nə qədər saxladığımızı və hüquqlarınızı izah edir. Azərbaycan dilindəki mətn əsasdır; digər dillərdəki tərcümələr məlumat üçündür.

1. Kim məsuliyyət daşıyır

1.1. Fərdi məlumatlarınızın operatoru «247 Tech Solutions» Məhdud Məsuliyyətli Cəmiyyətidir (Azərbaycan Respublikası; VÖEN 1009729121; hüquqi ünvan: Bakı şəhəri, Nərimanov rayonu, Əliağa Vahid küçəsi 14). Məlumatlarla bağlı müraciət: [email protected], mövzu «Fərdi məlumatlar».

1.2. Bu siyasət 247 mobil tətbiqinə («Tətbiq»), 247app.com saytına və Platformanın dəstək kanallarına aiddir. Xidmət Azərbaycan Respublikasında göstərilir.

2. Kimin məlumatını emal edirik

2.1. Müştərilərin, Provayderlərin və onların Ustalarının, saytın ziyarətçilərinin və dəstəyə müraciət edənlərin məlumatını. Provayderin sifariş üçün ona açılan Müştəri məlumatına münasibətdə Provayder özü məsuliyyət daşıyır (Xidmət şərtləri, 16-cı bölmə). Provayder Ustalarının məlumatını onların razılığı ilə daxil edir və onları bu siyasətlə tanış edir.

3. Hansı məlumatı toplayırıq

3.1. Hesab: ad, soyad, telefon nömrəsi (birdəfəlik kodla təsdiqlənir), e-poçt, profil fotosu, dil, cins və doğum tarixi (könüllü), ünvan(lar).

3.2. Provayder üçün əlavə: şəxsiyyəti və ya dövlət qeydiyyatını təsdiqləyən sənədlər, VÖEN, vergi rejimi, bacarıq və təcrübə, iş ərazisi, ödənişlər üçün bank kartı və ya hesab rekvizitləri, Ustaların məlumatı.

3.3. Sifariş: xidmət, tarix, ünvan, təsvir və fotolar, qiymət təklifləri, əlavə xərclər, statuslar, iş sübutu fotoları, qiymətləndirmə və rəylər, mübahisə materialları.

3.4. Ödəniş: məbləğ, üsul, əməliyyat identifikatoru, cüzdan hərəkətləri. Kart nömrəniz Platformada saxlanılmır — ödənişi lisenziyalı ödəniş provayderi (Payriff, Kapital Bank) emal edir; bizə yalnız maskalanmış nömrə və texniki identifikator gəlir.

3.5. Yer: Müştərinin sifariş ünvanı; Provayderin sifariş icrası zamanı («yoldadır» və «icrada» statuslarında, Tətbiq açıq olanda) yeri — gəliş vaxtını göstərmək və mübahisədə faktı təsdiq etmək üçün. Yer icazəsini cihaz ayarlarında istənilən vaxt söndürə bilərsiniz; bu halda bəzi funksiyalar işləməyə bilər.

3.6. Yazışma: Tətbiqdaxili çat mesajları və əlavə edilən fayllar.

3.7. Şərtlərin qəbulu: Xidmət şərtlərinin və bu siyasətin hansı versiyasını, nə vaxt, hansı dildə, hansı cihazdan və IP ünvanından qəbul etdiyiniz — qəbulun sübutu kimi saxlanılır; qəbul aktı (qeyd nömrəsi, versiya, mətnin rəqəmsal izi və versiyanın daimi ünvanı) e-poçtunuza göndərilir.

3.8. Texniki: cihaz modeli, əməliyyat sistemi, Tətbiq versiyası, IP ünvanı və ondan çıxarılan təxmini yer (şəhər/ölkə), push bildiriş identifikatoru, Tətbiqdə hərəkət qeydləri (hansı bölmə, nə vaxt), xəta hesabatları. Təhlükəsizlik məqsədilə hesaba giriş cəhdlərinin jurnalı (e-poçt və ya nömrə, IP ünvanı, cihaz, nəticə) saxlanılır.

3.9. Marketinq: Tətbiqi hansı link və ya reklamdan yüklədiyiniz (attribusiya), dəvət kodları, kampaniya iştirakı.

3.10. Toplamırıq: cinayət qeydi, sürücülük tarixçəsi, biometrik məlumat, sağlamlıq məlumatı.

4. Nə üçün və hansı hüquqi əsasla

5. Kimlə paylaşırıq

5.1. Digər tərəflə: Müştəri sifarişi qəbul edən Provayderə adını, telefonunu, ünvanını və sifariş məlumatını; Provayder Müştəriyə adını, fotosunu, reytinqini və sifariş zamanı yerini görür. Provayder bu məlumatı yalnız sifarişin icrası üçün istifadə etməyə borcludur.

5.2. Xidmət təchizatçıları (yalnız bizim tapşırığımızla, müqavilə əsasında və yalnız zəruri həcmdə): ödəniş — Payriff, Kapital Bank; push bildirişləri və xəritə — Google (Firebase, Maps); SMS və WhatsApp mesajları — mobil operatorlar və WhatsApp Business (Meta); e-poçt və hostinq — server və e-poçt xidməti təchizatçıları.

5.3. Dövlət orqanları — yalnız qanunla müəyyən edilmiş qaydada rəsmi tələb əsasında.

5.4. Daxili çıxış: Platformanın dəstək və əməliyyat əməkdaşları sifarişlərə, yazışmaya və hesab məlumatına yalnız iş vəzifəsi çərçivəsində (dəstək, mübahisə, təhlükəsizlik) çıxış əldə edir; çıxış qeydə alınır.

5.5. Məlumatlarınızı satmırıq və reklam şəbəkələrinə vermirik.

6. Xaricə ötürmə

6.1. Push bildirişləri, xəritə və xəta hesabatları üçün istifadə etdiyimiz Google xidmətlərinin serverləri Azərbaycandan kənarda yerləşir; onlara yalnız həmin funksiya üçün zəruri texniki məlumat (cihaz identifikatoru, təxmini yer, xəta məlumatı) ötürülür. Tətbiqdaxili yazışma (3.6) Google Firebase (Firestore) xidmətində saxlanılır — yəni mesajların məzmunu və göndərən/alan identifikatorları da Google-un Azərbaycandan kənardakı serverlərində yerləşir; Platforma orada yalnız 8-ci bölmədəki müddət qədər saxlayır və həmin müddətdən sonra silir. Ötürmə təchizatçının müvafiq mühafizə öhdəlikləri ilə və Azərbaycan Respublikasının «Fərdi məlumatlar haqqında» Qanununa uyğun aparılır. Tətbiqdən istifadə etməklə və bu siyasəti qəbul etməklə siz göstərilən məlumatın bu məqsədlərlə xaricə ötürülməsinə razılıq verirsiniz.

7. Necə qoruyuruq

7.1. Ötürmə şifrələnir (HTTPS/TLS), parollar heşlənmiş saxlanılır, kart məlumatı bizdə yoxdur, serverlərə giriş məhdudlaşdırılır və qeydə alınır; ehtiyat nüsxələr yalnız girişi məhdudlaşdırılmış serverdə saxlanılır və məhdud müddətdən sonra silinir. Heç bir sistem tam risksiz deyil; hesabınıza şübhəli giriş görsəniz bizə bildirin.

7.2. Məlumatların sızması aşkar edilərsə, risk daşıyan hallarda təsirlənən istifadəçilərə və səlahiyyətli orqana 72 saat ərzində məlumat veririk.

8. Nə qədər saxlayırıq

9. Hüquqlarınız

9.1. Məlumatlarınıza baxmaq və düzəltmək (Tətbiq → Profil), marketinqdən imtina (Tətbiq ayarları), hesabı silmək (Tətbiq → Hesabı sil və ya «Məlumatların silinməsi sorğusu» səhifəsi), emala etiraz etmək, məlumatlarınızın surətini almaq hüququnuz var. Məlumatların surəti, emala etiraz və silinmiş hesabın 30 gün ərzində bərpası üçün [email protected] ünvanına yazın; müraciətə 7 iş günü ərzində cavab veririk.

9.2. Fərdi məlumatlarınızla bağlı hüquqlarınızın pozulduğunu düşünürsünüzsə, Azərbaycan Respublikasının fərdi məlumatların mühafizəsi sahəsində səlahiyyətli dövlət orqanına şikayət edə bilərsiniz. Fərdi məlumatların mühafizəsi sahəsində səlahiyyətli orqan Azərbaycan Respublikasının Rəqəmsal İnkişaf və Nəqliyyat Nazirliyidir.

10. Uşaqlar

10.1. Tətbiq 18 yaşdan kiçiklər üçün nəzərdə tutulmayıb; belə hesab aşkar edildikdə silinir.

11. Kukilər (sayt)

11.1. 247app.com saytında sessiya və təhlükəsizlik üçün zəruri kukilər və ziyarət statistikası üçün Google Analytics kukiləri istifadə olunur. Kukiləri brauzer ayarlarından məhdudlaşdıra və ya silə bilərsiniz; bu, saytın əsas funksiyalarına təsir etmir.

12. Dəyişikliklər

12.1. Bu siyasəti dəyişəndə Tətbiqdə bildiririk; əhəmiyyətli dəyişiklikdə yenidən razılıq istəyirik. Versiyaların tarixçəsi Tətbiqdə və saytda əlçatandır.